Иконата „Пресвета Богородица Троерачица" се издвојува од останатите заради нејзината поврзаност со Скопје и Македонија. Оригиналната икона насликана од св. Дамаскин во 9 век, украсена со 2,500 скапоцени камења, била донесена од Ерусалим во Скопје од страна на св. Сава, кој и ја подарил на скопската црква која била именувана според иконата. На неа е насликана Богородица како го држи во раце детето Исус, но се појавува и трета рака, која се толкува како Божја. Заради тоа таа била сметана за чудотворна.
По Скопје иконата била видена во Хиландар на Света Гора, а потоа и во други делови на Балканот. Тимот на „Азно" ја изработува најблиску до оригиналот на св. Дамаскин. Доловена е нејзината трета димензија, односно оригиналната рељефна структура, и исто така е украсена со камчиња.
- Иконата се одржува со повремено бришење на прашината со сува крпа.
- Дозволено е повремено бришење со наводенета крпа без хемикалии.
- Се поставуваат закачени на ѕид или штафелај.
- Се препорачува да не се изложени на влага и сонце.
